الرئيسية / WhatsApp / الاخلاق قبل التدين

الاخلاق قبل التدين

ياسمين باديس – ميديا نيوز 

احد المواقف الي صارت معي خلال شغلي ودراستي بألمانيا والي صدقًا كل ما اتعرض لموقف بتذكره وصلنا للمستشفى بيوم مريض

و كان بالأربعينات من عمره تقريبًا وعلى رأيه اني بشبه زوجته الإسبانية إلى فرجاني صورة الها المهم انه كان يضل يسمعني حكي اني حلوة وانا بس الي لازم اساعده من الممرضين الموجودين والخ….لحد مافي بيوم حكالي كلمة غير لائقة نوعًا ما بمطعم المستشفى وبالصدفة كان واقف مديري (فيليب) وسمعه… خلال اقل من ١٠ دقايق كنت بغرفة المدير ومعي مديري والمسؤولة عن المستشفى كامل وكانوا متصلين على أهل المريض لانه لازم يطلع من المستشفى فورًا مع بهدلة ادبية و اطلع علي المدير وبكل لطف قلي اذا اتعرضتي لأي موقف فورًا تعالي خبريني واعتذر مني 🙂تخيلوا!!!!!

لليوم بتخيل مثلًا اذا المدير نفسه مشي معي بيوم بالشارع بالجزائر ولا بالأردن ولا بأي بلد عربي شو رح يكون رد فعله؟!

لما يشوف ويسمع كمية القرف الي كل بنت بمجتمعاتنا العربية بتسمعها بس تطلع من باب بيتها

طيب شو رأيه لو عرف انه عنا بنات لسه بتنقتل من ابوها او اخوها وحقها بروح بالهوا او بفنجان قهوة او مثلًا مثلًا انه لسا في بنات بيستحوا وبخافوا يحكوا شو بصير معهم بالشارع عشان بخافوا ينقلب الحق عليهم!

صدقًا انا بكره المقارنات وبحياتي ما حاولت اقارن ألمانيا بالجزائر ولا الأردن عشان نفسيتي اولًا و عشان بدنا قُرون لنوصللهم وما رح نوصل بس صدقًا كل يوم بصحى ع خبر يخليني اتمنى اني ما انخلقت بهالمجتمع اصلًا!

اتفاقيات دولية و حركات نسوية و ضجة اعلامية و ضغوط من من منظمات حقوقية و وقفات احتجاجية و طالعات و نازلات و كوتة و وصلنا ٢٠٢٠ ولسا العقلية الجاهلية الي المفروض الإسلام وقفها هي اللي مسيطرة…

‎استغلال المرأة باسم الأعراف و العادات و التقاليد المجتمعية الي بتعطي(((الذكر))) الحق بفرض هيمنته وسلطته بغير وجه حق .

التحرش والقتل صاروا عادات وصرنا نلاقيلها مبررات كمان حرمان من الإرث

‎إجبار على الزواج
‎منع التعلم و العمل
‎و اخيرًا و ليس اخرًا
‎إقتلاع أعينهم بأسم سطوة الرجل الذكورية التي فرضها المجتمع
‎ ما تم حل اي مشكلة بل زادت ببساطة لانه جميع القوانين بتثبت الهيمنة الذكورية

‎الإسلام فيه قوانين صارمة اتجاه كل هالأمور
‎العين بالعين والجروح قصاص
‎و انتهى…..

#صرخات_أحلام

رأيك يهمنا ... تابعوا اخر الأخبار على ميديا نيوز

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

x

‎قد يُعجبك أيضاً

كورونا مؤامرة أمريكية.. والعالم سيصبح طوع واشنطن ..!!

صالح الراشد ستتحكم الولايات المتحدة الأمريكية في العالم أجمع دون ان تُطلق رصاصة واحدة، بل ...

Translate »ميديا نيوز بكل لغات العالم